2020
2 de otover
Fondazzion de l’Academia Bonvesin de la Riva
El Pietro Cociancich, el Jacopo Dovico, el Brian Sciretti, el Luca Berrino e ‘l Lissander Cavall se incontren a Lambraa a Milan e scernissen de fà su in manera informal un grup per el studi, la tutella e la promozzion del lombard.
6 de otover
Scerna del nom de l’Academia
I fondador scernissen el nom Academia Bonvesin de la Riva per l’entità che inn ‘dree a fà su.
1 de november
Noeuva Ortografia Lombarda
L’Academia la manda foeura in su i vari canai sociai la so scerna ortografega per la lengua lombarda: la Noeuva Ortografia Lombarda.
25 de november
Concors 200Porta
Taca el Concors 200Porta, dedicad ai 200 agn de la mort del Carlo Porta, organizad insema de Impariamo la Lingua Lombarda e Lengua Lombarda in su l’Instagram. A l’è el prim doperà del domini lengualombarda.eu, che incoeu l’è de l’Academia.
2021
5 de sginer
Premiazzion del 200Porta (prima part)
Premiazzion de la part con giuria popolar del concors 200Porta, in direta in su l’Internet, cont un event di 16 ai 18 ore, indovè che hann parlad el Peder Cociancich, a dà un litrat del Porta, el Ferdinando Traversa, a parlà de coltura libera in su la Wikipedia, la vincidora del concors e poeu el Gian Nespoli e l’ex assessor a l’agricoltura Gianni Fava, che hann parlad de mangià e bever lombard.
15 d’avril
Premiazzion del 200Porta (segonda part)
Premiazzion de la part con giuria tecnega, semper in direta in su l’Internet. Gh’è stada una letura di poesie, una presentazzion piscinina del fonzionament de la sanità lombarda de Lombardia Incoeu e una lezzion in su la grafia lombarda del Jacopo Dovico.
23 de november
Derva la pagina Facebook
Derva la pagina Facebook oficial de l’Academia, un gran mez de informazzion in su la lengua.
2022
26 de setember
Sit oficial de l’Academia
El sit oficial de l’Academia l’è in su la red, in version averta a tucc.